Click on a word to bring up parses, dictionary entries, and frequency statistics
[252]
Quod si in gestu, qui multum
oratorem adiuvat, et in voce, quae una maxime eloquentiam
vel commendat vel sustinet, elaborare nobis non licet ac
tantum in utroque adsequi possumus, quantum in hac acie
cotidiani muneris spati nobis datur, quanto minus est ad
iuris civilis perdiscendi occupationem descendendum?
Quod et summatim percipi sine doctrina potest et hanc
habet ab illis rebus dissimilitudinem, quod vox et gestus
subito sumi et aliunde adripi non potest, iuris utilitas ad
quamque causam quamvis repente vel a peritis vel de libris
depromi potest.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.