Click on a word to bring up parses, dictionary entries, and frequency statistics
[289]
haec autem, quae sunt in re ipsa et sententia, partibus
sunt innumerabilia, generibus pauca; exspectationibus
enim decipiendis et naturis aliorum inridendis ipsorum
ridicule indicandis et similitudine turpioris et dissimulatione
et subabsurda dicendo et stulta reprehendendo risus
moventur. Itaque imbuendus est is, qui iocose volet dicere,
quasi natura quadam apta ad haec genera et moribus, ut ad
cuiusque modi genus ridiculi vultus etiam accommodetur;
qui quidem quo severior est et tristior, ut in te, Crasse, hoc
illa, quae dicuntur, salsiora videri solent.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.