Click on a word to bring up parses, dictionary entries, and frequency statistics
[217]
Nam
si ut quisque in aliqua arte et facultate excellens aliam
quoque artem sibi adsumpserit, is perficiet ut, quod praeterea
sciet, id eius, in quo excellet, pars quaedam esse
videatur, licet ista ratione dicamus pila bene et duodecim
scriptis ludere proprium esse iuris civilis, quoniam utrumque
eorum P. Mucius optime fecerit; eademque ratione dicantur
ei quos φυσικούς Graeci nominant eidem poetae, quoniam
Empedocles physicus egregium poema fecerit. At hoc ne
philosophi quidem ipsi, qui omnia sicut propria sua esse
atque a se possideri volunt, dicere audent, geometriam aut
musicam philosophi esse, quia Platonem omnes in illis
artibus praestantissimum fuisse fateantur.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.