Click on a word to bring up parses, dictionary entries, and frequency statistics
[268]
eius, asinum fuisse parituram." Arguta etiam significatio est,
cum parva re et saepe verbo res obscura et latens inlustratur;
ut, cum C. Fabricio P. Cornelius, homo, ut existimabatur,
avarus et furax, sed egregie fortis et bonus imperator, gratias
ageret, quod se homo inimicus consulem fecisset, bello
praesertim magno et gravi "nihil est, quod mihi gratias
agas," inquit "si malui compilari quam venire"; ut Asello
Africanus obicienti lustrum illud infelix, "noli" inquit
"mirari; is enim, qui te ex aerariis exemit, lustrum condidit
et taurum immolavit." Tacita suspicio est, ut religione
civitatem obstrinxisse videatur Mummius, quod Asellum
ignominia levarit.
Urbana etiam dissimulatio est, cum alia dicuntur ac
sentias, non illo genere, de quo ante dixi, cum contraria
dicas, ut Lamiae Crassus, sed cum toto genere orationis
severe ludas, cum aliter sentias ac loquare;
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.