Click on a word to bring up parses, dictionary entries, and frequency statistics
[300]
Videsne quae vis in homine
acerrimi ingeni, quam potens et quanta mens fuerit? Qui
ita responderit, ut intellegere possemus nihil ex illius animo,
quod semel esset infusum, umquam effluere potuisse; cum
quidem ei fuerit optabilius oblivisci posse potius quod
meminisse nollet quam quod semel audisset vidissetve
meminisse. Sed neque propter hoc Themistocli responsum
memoriae nobis opera danda non est neque illa mea cautio
et timiditas in causis propter praestantem prudentiam Crassi
neglegenda est; uterque enim istorum non mihi attulit
aliquam, sed suam significavit facultatem.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.