Click on a word to bring up parses, dictionary entries, and frequency statistics
[122]
Nostra est enim—si modo nos oratores, si in civium disceptationibus,
si in periculis, si in deliberationibus publicis
adhibendi auctores et principes sumus—nostra est, inquam,
omnis ista prudentiae doctrinaeque possessio, in quam
homines quasi caducam atque vacuam abundantes otio,
nobis occupatis, involaverunt atque etiam aut inridentes
oratorem, ut ille in Gorgia Socrates, cavillantur aut aliquid
de oratoris arte paucis praecipiunt libellis eosque rhetoricos
inscribunt, quasi non illa sint propria rhetorum, quae ab
eisdem de iustitia, de officio, de civitatibus instituendis
et regendis, de omni vivendi denique etiam de naturae
ratione dicuntur.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.