[227]
'In omni voce' inquit
Crassus 'est quiddam medium, sed suum cuique voci: hinc
gradatim ascendere vocem utile et suave est (nam a principio
clamare agreste quiddam est), et idem illud ad firmandam
est vocem salutare; deinde est quiddam contentionis
extremum, quod tamen interius est, quam acutissimus
clamor, quo te fistula progredi non sinet, et iam ab ipsa
contentione revocabit; est item contra quiddam in remissione
gravissimum quoque tamquam sonorum gradibus
descenditur. Haec varietas et hic per omnis sonos vocis
cursus et se tuebitur et actioni adferet suavitatem. Sed
fistulatorem domi relinquetis, sensum huius consuetudinis
vobiscum ad forum deferetis.
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.