13. tu1 autem, M. Antoni,
—absentem enim2 appello—unum illum diem quo in aede
telluris senatus fuit non omnibus his mensibus quibus te
quidam multum a me dissentientes beatum putant anteponis?
quae fuit oratio3 de concordia! quanto metu senatus4, quanta
sollicitudine civitas tum a te liberata est cum conlegam
tuum5, depositis inimicitiis, oblitus auspiciorum a te ipso
augure populi Romani nuntiatorum6, illo primum7 die conlegam
tibi esse voluisti; cum8 tuus parvus filius in Capitolium a te
missus pacis obses fuit!
[32]
quo senatus die laetior, quo populus
Romanus9? qui quidem nulla in contione umquam
frequentior fuit. tum denique liberati per viros fortissimos
videbamur, quia, ut illi voluerant, libertatem pax consequebatur.
proximo10, altero11, tertio, denique reliquis consecutis
diebus non intermittebas quasi donum aliquod cotidie
adferre rei publicae; maximum autem illud quod dictaturae
nomen sustulisti. haec inusta est a te, a te, inquam, mortuo
Caesari nota ad ignominiam sempiternam. Vt enim propter
unius M. Manli scelus decreto gentis Manliae neminem
patricium Manlium Marcum12 vocari licet, sic tu propter
unius dictatoris odium nomen dictatoris funditus sustulisti.
num te,
[33]
cum haec13 pro salute rei publicae tanta gessisses,
fortunae tuae, num amplitudinis, num claritatis, num gloriae14
paenitebat? Vnde igitur subito tanta ista mutatio? non
possum adduci ut suspicer te pecunia captum. licet quod
cuique libet loquatur, credere non est necesse. nihil enim
umquam in te sordidum, nihil humile cognovi. quamquam15
solent domestici depravare non numquam; sed novi firmitatem
tuam. atque utinam ut culpam, sic etiam suspicionem
vitare potuisses!
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 te D
2 enim om. D
3 oratio tua Muretus
4 senatus Ernesti: veteranis V1: veteri s: veter v: cetera n: veterani V2ct, del. Manutius (corruptelas e varia lectione ad veteris § 30 in mg. archetypi posita ortas esse arbitror, cf. Deiot. 24)
5 cum collegam tuum V: tum collegam t: tu collegam c: tuum collegam ns
6 auspiciorum ... nuntiatorum Faernus: auspiciorum a te ipso augure pronuntiate V1 (-ante V2): auspicia te ipso augure nuntiante D
7 primo D
8 cum Halm: K. (R. s) D: om. V
9 populus Rom. om. V1
10 proximo del. Eberhard
11 altero del. Cobet
12 Marcum suppl. Gulielmius
13 haec cum te D
14 num gloriae V2D, Cus.: om. V1
15 in te ... quamquam om. D
M. Tullius Cicero. M. Tulli Ciceronis Orationes: Recognovit breviqve adnotatione critica instrvxit Albertus Curtis Clark Collegii Reginae Socius. Albert Curtis Clark. Oxford. e Typographeo Clarendoniano. 1918. Scriptorum Classicorum Bibliotheca Oxoniensis.
The National Endowment for the Humanities provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.