6.
[13]
quid? illa castrorum M. Antoni1 lumina, nonne
ante oculos proponitis? primum duos conlegas Antoniorum2
et Dolabellae, Nuculam et Lentonem, Italiae divisores
lege ea quam senatus per vim latam iudicavit; quorum
alter commentatus est3 mimos, alter egit tragoediam. quid
dicam de Apulo Domitio? cuius modo bona4 proscripta
vidi5. tanta procuratorum est neglegentia. at hic nuper
sororis filio infudit venenum, non dedit. sed non possunt
non prodige vivere qui nostra bona sperant, cum effundant6
sua. vidi7 etiam P. Deci auctionem, clari8 viri, qui maiorum9
exempla persequens pro alieno se aere devovit. emptor
tamen in ea auctione inventus est nemo. hominem10 ridiculum
qui se exserere11 aere alieno putet posse, cum vendat
aliena.
[14]
nam quid ego de Trebellio dicam? quem ultae12
videntur Furiae debitorum; vindicem13 enim novarum tabularum
novam tabulam vidimus14. quid de T. Planco15? quem16
praestantissimus civis17, Aquila, Pollentia expulit et quidem
crure fracto: quod utinam illi ante accidisset, ne huc redire
potuisset! lumen et decus illius exercitus paene praeterii,
T. Annium Cimbrum, Lysidici filium, Lysidicum ipsum18,
quoniam omnia iura dissolvit, nisi forte iure Germanum
Cimber occidit. cum hanc et huius19 generis copiam tantam
habeat Antonius, quod scelus omittet, cum Dolabella tantis
se obstrinxerit parricidiis nequaquam pari latronum manu
et copia?
[15]
quapropter, ut invitus saepe dissensi a Q. Fufio20,
ita sum eius sententiae libenter adsensus: ex quo iudicare
debetis me non cum homine solere, sed cum causa dissidere.
itaque non adsentior solum sed etiam gratias ago
Fufio: dixit enim severam, gravem21, re publica dignam
sententiam: iudicavit hostem Dolabellam; bona censuit
publice possidenda. quo cum addi nihil potuisset22—quid
enim atrocius potuit, quid severius decernere23?—dixit
tamen, si quis eorum qui post se rogati essent graviorem
sententiam dixisset, in eam se iturum. quam severitatem
quis potest non laudare?
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 M. om. D
2 Antoniorum Vt: -onii bns
3 quorum ... est om. V
4 bona modo D
5 vidimus D
6 effundunt D
7 vide D
8 clarissimi D
9 maiorum suorum D
10 O hominem n2
11 exserere Halm: exercere V: exire D: emergere ex Müller
12 quem ultae Vbaldinus: quem ute V: quam multae D
13 vindicem Poggius: vindicem is V: vindices D: vindicis Ferrarius
14 vidimus D: videmus V: fort. iam videmus (clausulae gratia)
15 T. Zumpt: L. V: om. D
16 quem b1: quae V: qui cett.
17 civis (-es b2) Vb: civis civi t: cives civis ns
18 ipsum Graeco (in Gr. D) verbo add. codd., del. Manutius (in mg. archetypi erat graec. = Graecum, cf. ad l. 20)
19 eius D
20 Q. om. V
21 gravem grecauem V (i. e. ex grec grauem)
22 potuisset V: posset (-it b) D
23 decernere D: degenere V
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.