Click on a word to bring up parses, dictionary entries, and frequency statistics
[66]
quo cum patefactus1 esset aditus, ad adversam2 basim3 accessimus.4
apparebat epigramma5 exesis posterioribus partibus
versiculorum dimidiatum6 fere. ita nobilissima Graeciae civitas, quondam vero etiam doctissima, sui civis [p. 434]
unius acutissimi monumentum ignorasset, nisi ab homine Arpinate7 didicisset. sed redeat,8 unde aberravit
oratio: quis est omnium, qui9 modo cum Musis, id est
cum humanitate10 et cum doctrina, habeat aliquod commercium, qui se non hunc mathematicum malit quam
illum tyrannum? si vitae modum actionemque quaerimus, alterius mens rationibus agitandis exquirendisque alebatur cum oblectatione sollertiae, qui est unus
suavissimus pastus11 animorum, alterius in caede et
iniuriis cum et diurno et nocturno metu. age confer
Democritum Pythagoram, Anaxagoram: quae regna,
quas opes studiis eorum et delectationibus antepones?
1 patefactum X
2 addit' adadv. G
3 bassim X (corr.G1）
4 accessimus R sed -ss- e corr. (fuit fort. accedimus) accesimus V
5 epygramma KRV
6 dimidiatis X (di prius in r. R1) corr. Bentl. (dimidiatus de versiculis vel de epigrammate dici poterat, de partibus non poterat cf. Gell. 3, 14）
7 Arpinati We.cl.leg.1, 4 al.
8 reddeat X (corr.G1）
9 qui quo V1
10 humilitate K1 ut v.
11 patus K1 (r ss.c）
Tusculanae Disputationes. M. Tullius Cicero. M. Pohlenz. Leipzig. Teubner. 1918.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.