13.
[32]
his vos
taeterrimis fratribus portas aperietis, hos umquam in urbem
recipietis? non tempore oblato, ducibus paratis, animis
militum incitatis, populo Romano conspirante, Italia tota
ad libertatem recuperandam excitata, deorum immortalium
beneficio utemini? nullum erit tempus hoc amisso. A
tergo, fronte, lateribus1 tenebitur2, si in Galliam venerit. nec
ille armis solum sed etiam decretis nostris3 urgendus est.
Magna vis4 est, magnum numen unum et idem sentientis
senatus. videtisne refertum forum, populumque Romanum
ad spem recuperandae libertatis erectum? qui longo intervallo
cum frequentis hic videt nos, tum sperat etiam liberos
convenisse.
[33]
hunc ego diem exspectans M. Antoni scelerata
arma vitavi, tum cum ille in me absentem invehens non
intellegebat ad quod5 tempus me et meas viris reservarem.
si enim tum illi caedis a me initium6 quaerenti respondere
voluissem, nunc rei publicae consulere non possem. hanc
vero nactus facultatem, nullum tempus, patres conscripti,
dimittam neque diurnum neque nocturnum quin de libertate
populi Romani et7 dignitate vestra quod cogitandum sit
cogitem, quod agendum atque faciendum, id non modo non8
recusem sed etiam appetam atque deposcam. hoc feci
dum9 licuit; intermisi quoad non licuit. iam non solum
licet sed etiam necesse est10, nisi servire malumus11 quam
ne serviamus animis armisque12 decernere.
[34]
di immortales
nobis haec praesidia dederunt: urbi Caesarem, Brutum
Galliae. si enim ille urbem opprimere13 potuisset, statim,
si Galliam tenere14, paulo post optimo cuique pereundum15,
reliquis16 serviendum.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 fronte, lateribus Garatoni: fronte alteribus V1 (a lateribus V2): a fronte a lateribus D
2 tenetur D
3 nostris decretis D
4 vis et V
5 quod ad c
6 a me post initium habent D
7 et V: de nst: om. c
8 modo non Vc: modo nst
9 dum V: semper dum D
10 necesse est etiam D
11 malumus cns: malimus V: maluimus t
12 animis armisque D et Nonius p. 285: armis animisque V (cf. x. 21)
13 opprimere urbem V (peiore numero)
14 teneret D
15 pereundum erat Halm
16 reliquis esset add. s: erat add n
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.