8.
[19]
sed quid fecit ipse? cum tot
edicta proposuisset1, edixit2 ut adesset senatus frequens
a. d.3 viii. Kalendas Decembris: eo die ipse non adfuit.
at quo modo edixit? haec sunt, ut opinor, verba in extremo:
'si quis4 non adfuerit, hunc5 existimare omnes6
poterunt et interitus mei et perditissimorum consiliorum
auctorem fuisse.' quae sunt perdita consilia? an ea quae
pertinent7 ad libertatem populi Romani recuperandam?
quorum consiliorum Caesari8 me auctorem et hortatorem
et esse et fuisse fateor. quamquam ille non eguit consilio
cuiusquam, sed tamen currentem, ut dicitur, incitavi. nam
interitus quidem tui quis bonus non esset auctor, cum in9
eo salus et vita optimi cuiusque, libertas10 populi Romani
dignitasque consisteret?
[20]
sed cum tam atroci edicto nos
concitavisset, cur ipse non adfuit? num putatis11 aliqua re
tristi ac severa? vino atque epulis retentus, si12 illae13 epulae
potius quam popinae nominandae sunt, diem edicti obire
neglexit: in14 ante diem15 iv Kalendas Decembris distulit.
adesse in Capitolio iussit; quod in templum ipse nescio
qua per Gallorum cuniculum ascendit. convenerunt conrogati
et quidem ampli quidam homines sed immemores
dignitatis suae. is enim erat dies, ea fama, is qui senatum
vocarat ut turpe senatori esset nihil timere. ad eos tamen
ipsos qui convenerant ne verbum quidem ausus est facere
de Caesare, cum de eo constituisset ad senatum referre:
scriptam attulerat consularis quidam sententiam.
[21]
quid est
aliud de eo referre non audere qui contra se consulem
exercitum duceret nisi se ipsum hostem iudicare16? necesse
erat enim alterutrum17 esse hostem; nec poterat aliter de
adversariis ducibus iudicari18. si igitur Caesar hostis, cur
consul nihil refert19 ad senatum? sin ille a senatu
notandus non fuit, quid potest dicere quin, cum de illo
tacuerit, se hostem20 confessus sit? quem in edictis Spartacum
appellat, hunc in senatu ne improbum quidem dicere
audet. at in rebus tristissimis quantos excitat risus!
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 proposuisset Naugerius (1): posuisset codd. (cf. iv. 9)
2 edixit Vs: et dixit n: dixit ct
3 a. d. Lambinus: ad codd.
4 qui D
5 hunc om. V1
6 omnes existimare D
7 pertitnenat V1: pertineant Halm
8 Caesari V1: Caes. c: Caesaris V2nst
9 in om. V1
10 et libertas D
11 putastis (-ti V1) V
12 si V: est D: est, si Faernus
13 illae ille V: eae c: ęlea t: alea si (est si s) ns
14 in V1: et V2D
15 ante diem D: ad V
16 se ipsum hostem iudicare nisi post quid est aliud hab. D
17 alterum D
18 iudicari ducibus V (malo numero）
19 referat V (peiore numero）
20 hostem esse D
M. Tullius Cicero. M. Tulli Ciceronis Orationes: Recognovit breviqve adnotatione critica instrvxit Albertus Curtis Clark Collegii Reginae Socius. Albert Curtis Clark. Oxford. e Typographeo Clarendoniano. 1918. Scriptorum Classicorum Bibliotheca Oxoniensis.
The National Endowment for the Humanities provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.