15. 'victum Ciceronem ducem
habuistis.' eo libentius 'ducem' audio quod certe ille
dicit invitus; nam de victo nihil laboro. fatum enim meum
est sine re publica nec vinci posse nec vincere. 'Macedoniam
munitis exercitibus.' et quidem1 fratri tuo qui
a vobis nihil degenerat extorsimus. 'Africam commisistis
Varo bis capto.' hic cum Gaio fratre putat se2 litigare. 'in
Syriam Cassium misistis.' non igitur sentis huic causae3
orbem terrae patere4, te extra munitiones tuas vestigium ubi
imprimas non habere? 'Cascam tribunatum gerere passi
estis.' quid ergo?
[31]
ut Marullum, ut Caesetium5 a re publica
removeremus6 eum per quem ut neque idem hoc7 posthac
neque multa eius modi accidere possent consecuti sumus?
'vectigalia Iuliana Lupercis ademistis.' Lupercorum mentionem
facere audet? neque illius diei memoriam perhorrescit
quo ausus est obrutus vino, unguentis oblitus, nudus
gementem populum Romanum ad servitutem cohortari?
'veteranorum colonias, deductas lege8 senatus consulto sustulistis.'
nos sustulimus an contra lege comitiis centuriatis
lata9 sanximus? vide ne tu veteranos, etiam10 eos qui erant
perditi, perdideris in eumque locum deduxeris ex quo ipsi
iam sentiunt se numquam exituros.
[32]
'Massiliensibus iure
belli adempta reddituros vos pollicemini.' nihil disputo de
iure belli—magis facilis disputatio est quam necessaria—
illud tamen animadvertite, patres conscripti, quam11 sit huic
rei publicae natus hostis Antonius, qui tanto opere eam
civitatem oderit quam scit huic rei publicae semper fuisse
amicissimam.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 et quidem b: equidem cett.
2 fort. se putat (clausulae gratia）
3 huic causae btv: in hac causa o
4 patere cod. Vrsini: parere s: favere b: om. otv
5 Caesetium Ferrarius: caes etium t: caes. etiam cett.
6 moveremus b1: moremus t
7 idem hoc osv: idem b: hoc ẽ t: hoc idem Halm
8 lege s, ed. R: lege et bot
9 lege .... lata Ferrarius: legem ... lata t: legem ... lates losv: legem ... latam b
10 etiam scripsi: tamen codd.: sed tamen Madvig
11 quam o: q. t: q. v: quis s: qui b
M. Tullius Cicero. M. Tulli Ciceronis Orationes: Recognovit breviqve adnotatione critica instrvxit Albertus Curtis Clark Collegii Reginae Socius. Albert Curtis Clark. Oxford. e Typographeo Clarendoniano. 1918. Scriptorum Classicorum Bibliotheca Oxoniensis.
The National Endowment for the Humanities provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.