17.
[34]
O miser cum re, tum
hoc ipso quod non sentis quam miser sis! sed maximum
crimen audite. 'denique quid non aut probastis1 aut fecistis
quod faciat2, si reviviscat'—quis? credo enim, adferet
aliquod scelerati hominis exemplum—'Cn. Pompeius ipse?'
O nos turpis, si quidem Cn. Pompeium imitati3 sumus! 'aut
filius eius, si modo4 possit.' poterit, mihi crede: nam
paucis diebus et in domum et in hortos paternos immigrabit.
'postremo negatis pacem fieri posse, nisi aut emisero Brutum
aut frumento iuvero.' Alii istuc negant: ego vero, ne
si ista quidem feceris, umquam tecum pacem huic civitati
futuram puto. 'quid? hoc placetne veteranis istis? quibus
adhuc omnia integra sunt.' nihil vidi tam integrum quam
ut oppugnare imperatorem incipiant quem tanto studio
consensuque oderint5.
[35]
'quos iam6 vos adsentationibus et
venenatis muneribus venistis depravaturi7.' an8 corrupti
sunt quibus persuasum sit9 foedissimum hostem iustissimo
bello persequi? 'at militibus inclusis opem fertis. nihil
moror eos salvos esse et ire quo libet10, si tantum modo
patiuntur perire eum qui meruit.' quam benigne! denique11 usi12
liberalitate Antoni milites imperatorem reliquerunt et se ad
hostem metu perterriti contulerunt: per quos si non stetisset,
non Dolabella prius imperatori suo quam Antonius etiam
conlegae parentasset.
[36]
'Concordiae factam esse mentionem
scribitis in senatu et legatos esse consularis quinque. difficile
est credere13, eos14que15 qui me praecipitem egerint, aequissimas
condiciones ferentem et tamen ex his aliquid remittere
cogitantem, putare16 aliquid moderate aut humane esse facturos17.
vix etiam veri simile est, qui iudicaverint hostem
Dolabellam ob rectissimum facinus, eosdem nobis parcere
posse idem sentientibus.' Parumne videtur omnium facinorum
sibi cum Dolabella societatem initam confiteri? nonne
cernitis ex uno fonte omnia scelera manare? ipse denique
fatetur, hoc quidem satis acute, non posse eos qui hostem
Dolabellam iudicaverint ob rectissimum facinus—ita enim
videtur Antonio—sibi parcere idem sentienti.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 probastis t: probavistis cett.
2 quod faciat os1: quid faciat s2tv: que faciat b
3 imitati t: imitaturi cett.
4 modo t: domi (-o b) cett.
5 oderint scripsi: ostenderint t: offenderint bsv: ostenderint quam oderint Lehmann: cum tantum studium consensumque ostenderint Halm: fort. cum ... offensionem ostenderint
6 quos iam scripsi: quoniam (quẽ s1) codd:-atum Madving
7 depravaturi scripsi: -ati (om. t) codd -atum Madvig
8 an itane Madvig
9 sit est b2
10 libet (lu- o) si os: iubetis si (om. si t) cett.
11 denique itaque Ferrarius: fort. ea denique
12 usi sunt?? t
13 credere del. Madvig
14 eos cos s: esse cons. t: consules v (cf. viii. 20)
15 -que addidi
16 putare del. Manutius (contra Priscian. K. iii. p. 70)
17 esse facturos facturum Priscian.
M. Tullius Cicero. M. Tulli Ciceronis Orationes: Recognovit breviqve adnotatione critica instrvxit Albertus Curtis Clark Collegii Reginae Socius. Albert Curtis Clark. Oxford. e Typographeo Clarendoniano. 1918. Scriptorum Classicorum Bibliotheca Oxoniensis.
The National Endowment for the Humanities provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.