[37]
quid huic
facias qui hoc litteris memoriaeque mandarit, ita sibi convenisse
cum Dolabella ut ille Trebonium et, si posset, etiam
Brutum, Cassium, discruciatos necaret, eadem ipse1 inhiberet
supplicia nobis? O2 conservandus civis cum tam pio iustoque
foedere! is etiam queritur condiciones suas repudiatas,
aequas quidem et verecundas, ut haberet Galliam ultimam,
aptissimam ad bellum renovandum instruendumque3 provinciam;
ut alaudae in tertia decuria iudicarent, id est ut
perfugium scelerum esset quam4 turpissimis rei publicae
sordibus; ut acta sua rata essent, cuius nullum remanet
consulatus vestigium. cavebat etiam L. Antonio, qui fuerat
aequissimus agri privati et publici decempedator, Nucula
et Lentone conlega.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.