[79]
Sulla dictatore ferente comitiis centuriatis
municipiis civitatem ademit1: ademit eisdem agros.
de agris ratum est; fuit enim populi potestas; de civitate
ne tam diu quidem valuit quam diu illa Sullani temporis
arma valuerunt. an vero2 Volaterranis, cum etiam tum
essent in armis, L. Sulla victor re publica reciperata comitiis
centuriatis civitatem eripere non potuit, hodieque Volaterrani
non modo cives, sed etiam optimi cives fruuntur nobiscum
simul hac civitate: consulari homini P. Clodius eversa re
publica civitatem adimere potuit concilio advocato, conductis
operis non solum egentium, sed etiam servorum, Fidulio
principe, qui se illo die confirmat Romae non fuisse?
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.