21. accipite nunc, quaeso, non ea quae ipse in se atque
in domesticum decus1 impure et intemperanter, sed quae
in nos fortunasque nostras, id est in universam rem publicam,
impie ac nefarie fecerit. ab huius enim scelere
omnium malorum principium natum reperietis.
[51]
nam cum
L. Lentulo C. Marcello consulibus Kalendis Ianuariis labentem2
et prope cadentem rem publicam fulcire cuperetis
ipsique C. Caesari, si sana mente esset, consulere velletis,
tum iste venditum atque emancipatum tribunatum consiliis
vestris opposuit cervicesque suas ei subiecit securi qua
multi minoribus in peccatis occiderunt. in te3, M. Antoni,
id decrevit senatus et quidem incolumis, nondum tot luminibus4
exstinctis quod in hostem togatum decerni est solitum
more maiorum. et tu apud patres conscriptos contra me
dicere ausus es, cum ab hoc ordine ego conservator essem,
tu hostis rei publicae iudicatus? commemoratio illius tui
sceleris intermissa est, non memoria deleta. dum genus
hominum, dum populi Romani nomen exstabit—quod
quidem erit, si per te5 licebit6, sempiternum—tua illa pestifera
intercessio nominabitur.
[52]
quid cupide a senatu, quid
temere fiebat, cum tu unus adulescens universum ordinem
decernere de salute rei publicae prohibuisti, neque semel7,
sed saepius, neque tu tecum de senatus auctoritate agi
passus es? quid autem agebatur nisi ne deleri8 et everti9
rem publicam funditus velles, cum te neque principes civitatis
rogando neque maiores natu monendo10 neque frequens
senatus agendo de vendita atque addicta sententia movere
potuit11? tum illud multis rebus ante temptatis necessario
tibi volnus inflictum est12 quod paucis ante te, quorum
incolumis fuit nemo:
[53]
tum contra te dedit arma hic ordo
consulibus reliquisque imperiis et potestatibus: quae non
effugisses, nisi te ad arma Caesaris contulisses.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 decus Madvig: dedecus codd.
2 labentem Vnt: labantem cs
3 in te Vc: in mente t: in te autem ns
4 lumibibus Vc: luminaribus nst
5 pro te V
6 licuerit D
7 neque id semel D
8 deleri cn1s: -ere Vn2t
9 evertere D
10 neque ... monendo om. V
11 potuit potuisset Madvig. qui supra velles? Cum (ita ns) scribit
12 est om. D
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.