37.
[93]
Vbi est septiens miliens quod est in1 tabulis quae sunt ad
Opis2? funestae illius quidem pecuniae, sed tamen quae
nos3, si eis quorum erat non redderetur, a tributis posset
vindicare. tu autem quadringentiens sestertium quod
Idibus Martiis debuisti quonam modo ante Kalendas
Aprilis debere desisti4? sunt ea quidem innumerabilia5
quae a tuis6 emebantur non insciente te, sed unum egregium
de rege Deiotaro, populi Romani amicissimo, decretum in
Capitolio fixum: quo proposito nemo erat qui in ipso
dolore risum posset continere.
[94]
quis enim cuiquam inimicior
quam Deiotaro Caesar? aeque atque huic ordini, ut
equestri, ut Massiliensibus, ut omnibus quibus rem publicam
populi Romani caram esse sentiebat. igitur7 a quo vivo nec
praesens nec absens rex Deiotarus quicquam aequi
boni impetravit8, apud mortuum9 factus est gratiosus. compellarat
hospitem praesens, computarat pecuniam10, in eius
tetrarchia11 unum ex Graecis comitibus suis conlocarat,
Armeniam abstulerat a senatu datam. haec vivus eripuit,
reddit12 mortuus.
[95]
at quibus verbis? modo aequum sibi
videri, modo non iniquum. mira verborum complexio!
at ille numquam—semper enim absenti adfui Deiotaro—
quicquam sibi quod nos pro illo postularemus aequum
dixit videri. syngrapha sesterti centiens per legatos, viros
bonos, sed timidos et imperitos, sine nostra13, sine reliquorum
hospitum regis sententia facta in gynaecio est14, quo in loco
plurimae res venierunt et veneunt. qua ex syngrapha quid
sis acturus meditere censeo: rex enim ipse sua sponte,
nullis commentariis Caesaris, simul atque audivit eius
interitum, suo Marte res suas recuperavit.
[96]
sciebat homo
sapiens ius semper hoc fuisse ut, quae tyranni eripuissent,
ea tyrannis interfectis ei quibus erepta essent recuperarent.
nemo igitur iure15 consultus, ne iste quidem, qui tibi uni est
iure consultus, per quem haec agis, ex ista syngrapha deberi
dicet16 pro eis rebus quae erant ante syngrapham recuperatae.
non enim a te emit, sed prius quam tu suum sibi venderes
ipse possedit. ille vir fuit; nos quidem contemnendi qui
auctorem17 odimus, acta defendimus.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 est in V: in D
2 Opis patebat D
3 quae nos post redd. hab. D
4 ubi est ... desisti post § 96 acta defendimus transposuit Nägelsbach
5 sunt ea ... defendimus (§ 96) om. D: ante sunt ea hab. V (e § 97) quid ego de commentaris Caesaris infinitos quiden numerabilibus cyrigraphis Caesaris loquar (sic)
6 a tuis Faernus: ad ius V: a diversis Poggius
7 is igitur V2
8 impetravit Poggius: imperavit V
9 apud eum mortuum Ernest gratiosus Vbaldinus: gratus V
10 pecuniam impetrarat add. V, ego delevi, videtur varia lectio e l. 2 migrasse (computarat, pecuniam imperarat Poggius)
11 tetrarchiam Poggius
12 reddidit Poggius
13 sine nostra Muretus: sinestra V: sine sua Poggius: sine Sexti Ferrarius (cf. Att. xvi. 3.6)
14 est Halm: et V: del. Poggius
15 iure Poggius: iureis V
16 dicet Halm: dicit V
17 actorem Koch
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.