[133]
licet iste dicat emisse se1, sicuti solet dicere, credite hoc
mihi2, iudices: nulla umquam civitas tota Asia et Graecia
signum ullum, tabulam pictam ullam ullum3 denique ornamentum
urbis sua voluntate cuiquam vendidit; nisi forte
existimatis, posteaquam iudicia severa Romae fieri desierunt,
Graecos homines haec venditare coepisse, quae tum non
modo non venditabant, cum iudicia fiebant, verum etiam
coemebant4; aut nisi arbitramini L. Crasso, Q. Scaevolae,
C. Claudio, potentissimis hominibus, quorum aedilitates
ornatissimas vidimus, commercium istarum rerum cum
Graecis hominibus non fuisse, iis qui post iudiciorum
dissolutionem aediles facti sunt fuisse.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.