[19]
quid? si aliquid ab Apollonio commissum est quam ob
rem in eum iure animadverteretur, tamenne hanc rem sic
agemus ut crimini aut invidiae reo putemus esse oportere
si quo de homine severius iudicaverit? non agam tam
acerbe, non utar ista accusatoria consuetudine, si quid est
factum clementer, ut dissolute factum criminer, si quid
vindicatum est severe, ut ex eo crudelitatis invidiam colligam.
non agam ista ratione; tua sequar iudicia, tuam
defendam auctoritatem, quoad tu voles; simul ac tute
coeperis tua iudicia rescindere, mihi suscensere desinito;
meo iure enim contendam eum qui suo iudicio damnatus
sit iuratorum iudicum sententiis damnari oportere.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.