[178]
itaque cum primo agere coepimus, lex non erat
promulgata; cum iste vestra severitate permotus multa
signa dederat quam ob rem responsurus non videretur,
mentio de lege nulla fiebat; posteaquam iste recreari et
confirmari visus est, lex statim promulgata est. cui legi
cum vestra dignitas vehementer adversetur, istius spes falsa
et insignis impudentia maxime suffragatur. hic si quid
erit commissum a quoquam vestrum quod reprendatur1, aut
populus Romanus iudicabit de eo2 homine quem iam ante
iudiciis indignum putarit3, aut ei qui4 propter offensionem
iudiciorum de veteribus iudicibus5 lege nova novi iudices
erunt constituti.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.