[32]
verum mehercule hoc, iudices, dicam. memini Pamphilum
Lilybitanum, amicum et hospitem meum, nobilem
hominem, mihi narrare, cum iste ab sese hydriam
Boethi
manu factam praeclaro opere et grandi pondere per potestatem
abstulisset, se sane tristem et conturbatum
domum
revertisse, quod vas eius modi, quod sibi a1 patre et a
maioribus
esset relictum, quo solitus esset uti ad festos dies,
ad hospitum adventus, a se esset ablatum. 'cum
sederem,'
inquit, 'domi tristis, accurrit Venerius; iubet me scyphos
sigillatos ad praetorem statim adferre. permotus sum,'
inquit; 'binos habebam; iubeo promi utrosque, ne quid
plus mali nasceretur, et mecum ad praetoris domum
ferri.
eo cum venio, praetor quiescebat; fratres illi Cibyratae
inambulabant. qui me ubi viderunt, "Vbi sunt, Pamphile,"
inquiunt, "scyphi?" ostendo tristis; laudant.
incipio queri me nihil habiturum quod alicuius esset
preti
si etiam scyphi essent ablati. tum illi, ubi me
conturbatum
vident, "quid vis nobis dare ut isti abs te ne auferantur?"
ne multa2, HS mille me,' inquit, 'poposcerunt3; dixi me
daturum. vocat interea praetor, poscit scyphos.' tum
illos coepisse praetori dicere putasse se, id quod
audissent,
alicuius preti scyphos esse Pamphili; luteum negotium
esse,
non dignum quod in suo argento Verres haberet. ait ille
idem sibi videri. ita Pamphilus scyphos optimos aufert.
This text is part of:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.