Click on a word to bring up parses, dictionary entries, and frequency statistics
“
[61]
At qui salubri et moderato
cultu atque victu quieti se tradiderit ea parte animi,
quae mentis et consili est, agitata et erecta saturataque bonarum cogitationum epulis, eaque parte animi,
quae voluptate alitur, nec inopia enecta nec satietate
affluenti (quorum utrumque praestringere aciem
mentis solet, sive deest naturae quidpiam sive
abundat atque affluit), illa etiam tertia parte animi,
in qua irarum existit ardor, sedata atque restincta,
tum eveniet duabus animi temerariis partibus compressis, ut illa tertia pars rationis et mentis eluceat
et se vegetam ad somniandum acremque praebeat,
tum ei visa quietis occurrent tranquilla atque
veracia.' Haec verba ipsa Platonis expressi.
”
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.