previous next

Click on a word to bring up parses, dictionary entries, and frequency statistics

thracia sequitur, inter validissimas europae gentes, in strategias l divisa. populorum eius, quos nominare non pigeat, amnem strymonem accolunt dextro latere denseletae et maedi ad bisaltas usque supra dictos, laevo digerri bessorumque multa nomina ad mestum amnem ima pangaei montis ambientem inter haletos, diobessos, carbilesos, inde brigas, sapaeos, odomantos. odrysarum gens fundit hebrum accolentibus carbiletis, pyrogeris, drugeris, caenicis, hypsaltis, benis, corpilis, bottiaeis, edonis. eodem sunt in tractu sialetae, priantae, dolongae, thyni, coelaletae maiores haemo, minores rhodopae subditi. inter quos hebrus amnis, oppidum sub rhodope poneropolis antea, mox a conditore philippopolis, nunc a situ trimontium dicta. haemi excelsitas [vi] passuum subitur. aversa eius et in histrum devexa moesi, getae, aedi, scaugdae clariaeque et sub iis arraei sarmatae, quos areatas vocant, scythaeque et circa ponti litora moriseni sitonique, orphei vatis genitores, optinent. ita finit hister a septentrione, ab ortu pontus ac propontis, a meridie aegaeum mare. cuius in ora a strymone apollonia, oesyma, neapolis, datos. intus philippi colonia - absunt a dyrrhachio [cccxxv] - , scotusa, topiros civitas. mesti amnis ostium, mons pangaeus. heraclea, olynthos, abdera libera civitas. stagnum bistonum et gens. oppidum fuit tirida, diomedis equorum stabulis dirum; nunc sunt dicaea, ismaron, locus parthenion, phalesina, maronea, prius orthagurea dicta. mons serrium, zone, tum locus doriscum, [x] hominum capax - ita xerxes ibi dinumeravit exercitum - , os hebri, portus stentoris, oppidum aenos liberum cum Polydori tumulo, ciconum quondam regio. a dorisco incurvatur ora ad macron tichos [cxii] p., circa quem locum fluvius melas, a quo sinus appellatur. oppida cypsela, bisanthe, macron tichos, dictum quia a propontide ad melanem sinum inter duo maria porrectus murus procurrentem excludit cherronesum. namque thracia altero latere a pontico litore incipiens, ubi hister amnis inmergitur, vel pulcherrimas in ea parte urbes habet, histropolin milesiorum, tomos, callatim, quae antea cerbatis vocabatur, heracleam. habuit et bizonen terrae hiatu raptam; nunc habet dionysopolim, crunon antea dictam; adluit zyras amnis. totum eum tractum scythae aroteres cognominati tenuere. eorum oppida aphrodisias, libistos, zygere, rhocobae, eumenia, parthenopolis, gerania, ubi pygmaeorum gens fuisse proditur; catizos barbari vocabant, creduntque a gruibus fugatos. in ora a dionysopoli est odessus milesiorum, flumen pannysis, oppidum ereta, naulochus. mons haemus, vasto iugo procumbens in pontum, oppidum habuit in vertice aristaeum; nunc in ora mesembria, anchialum, ubi messa fuerat. astice regio habuit oppidum anthium; nunc est apollonia. flumina panisos, iuras, tearus, orosines; oppida thynias, halmydesos, develton cum stagno, quod nunc deultum vocatur veteranorum, phinopolis, iuxta quam bosporos. ab histri ostio ad os ponti passuum [d] alii fecere, agrippa [lx] adiecit; inde ad murum supra dictum [cl], ab eo cherronesi [cxxvi]. - sed a bosporo sinus lasthenes, portus senum et alter qui mulierum cognominatur. promunturium chryseon ceras, in quo oppidum byzantium liberae condicionis, antea lygos dictum; abest a dyrrhachio [dccxi] p.: tantum patet longitudo terrarum inter hadriaticum mare et propontidem. amnes bathynias, pidaras sive athyras. oppida selymbria, perinthus, latitudine cc pedum continenti adnexa. intus bizye, arx regum thraciae, a terei nefasto invisa hirundinibus, regio caenica, colonia flaviopolis, ubi antea caela oppidum vocabatur, et a bizye [l] p. apros colonia, quae a philippis abest [clxxxviiii]. at in ora amnis erginus; oppidum fuit ganos. deseritur et lysimachea iam in cherroneso. alius namque ibi isthmos angustias similes eodem nomine et pari latitudine inlustrat. duae urbes utrimque litora haut dissimili modo tenuere, pactye a propontide, cardia a melane sinu, haec ex facie loci nomine accepto, utraeque conprehensae postea lysimachea [v] p. a longis muris. cherronesos a propontide habuit tiristasin, crithoten, cissam flumini aegos adpositam; nunc habet a colonia apro [xxii] p. resisthon, ex adverso coloniae parianae. et hellespontus vii, ut diximus, stadiis europam ab asia dividens, iiii inter se contrarias urbes habet, in europa callipolim et seston, in asia lampsacon et abydon. dein promunturium cherronesi mastusia adversum sigeo, cuius in fronte obliqua cynossema - ita appellatur hecubae tumulus - , statio achaeorum et turris, delubrum protesilai et in extrema cherronesi fronte, quae vocatur aeolium, oppidum elaeus. dein petenti melana sinum portus coelos et panhormus et supra dicta cardia.

Naturalis Historia. Pliny the Elder. Karl Friedrich Theodor Mayhoff. Lipsiae. Teubner. 1906.

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

load focus English (John Bostock, M.D., F.R.S., H.T. Riley, Esq., B.A., 1855)
hide References (27 total)
  • Cross-references to this page (25):
    • Dictionary of Greek and Roman Geography (1854), AQUAE CONVENA´RUM
    • Dictionary of Greek and Roman Geography (1854), AQUITA´NIA
    • Dictionary of Greek and Roman Geography (1854), ARVERNI
    • Dictionary of Greek and Roman Geography (1854), BELENDI
    • Dictionary of Greek and Roman Geography (1854), BERCORATES
    • Dictionary of Greek and Roman Geography (1854), BIGERRIO´NES
    • Dictionary of Greek and Roman Geography (1854), BITU´RIGES
    • Dictionary of Greek and Roman Geography (1854), BITU´RIGES VIVISCI
    • Dictionary of Greek and Roman Geography (1854), CAMPO´NI
    • Dictionary of Greek and Roman Geography (1854), CONSORANI
    • Dictionary of Greek and Roman Geography (1854), CO´NVENAE
    • Dictionary of Greek and Roman Geography (1854), COSSIO
    • Dictionary of Greek and Roman Geography (1854), ELUSA´TES
    • Dictionary of Greek and Roman Geography (1854), NITIOBRIGES
    • Dictionary of Greek and Roman Geography (1854), ONOBRISATES
    • Dictionary of Greek and Roman Geography (1854), OSQUIDATES
    • Dictionary of Greek and Roman Geography (1854), PETROCO´RII
    • Dictionary of Greek and Roman Geography (1854), PYRENAEI MONTES
    • Dictionary of Greek and Roman Geography (1854), RUTE´NI
    • Dictionary of Greek and Roman Geography (1854), SIBYLLA´TES
    • Dictionary of Greek and Roman Geography (1854), SOTIA´TES
    • Dictionary of Greek and Roman Geography (1854), TARBELLI
    • Dictionary of Greek and Roman Geography (1854), TARUSATES
    • Dictionary of Greek and Roman Geography (1854), TORNATES
    • Dictionary of Greek and Roman Geography (1854), VENETICAE INSULAE
  • Cross-references in general dictionaries to this page (2):
load Vocabulary Tool
hide Display Preferences
Greek Display:
Arabic Display:
View by Default:
Browse Bar: