προσέλαβον ἐλθὼν τουτονὶζητητέον δὲ εἰ καὶ ὁ τραπεζοκόμος ὁ αὐτός ἐστι τῷ τραπεζοποιῷ. Ἰόβας γὰρ ὁ βασιλεὺς ἐν ταῖς Ὁμοιότησι τὸν αὐτὸν εἶναί φησι <τὸν> τραπεζοκόμον καὶ τὸν ὑπὸ Ῥωμαίων καλούμενον στρούκτωρα, παρατιθέμενος ἐκ δράματος Ἀλεξάνδρου ᾧ ἐπιγραφὴ Πότος ῾IV 554 M':'
τραπεζοποιόν, ὃς πλυνεῖ σκεύη, λύχνους
ἑτοιμάσει, σπονδὰς ποιήσει, τἄλλ᾽ ὅσα
τούτῳ προσήκει.
εἰς αὔριόν με δεῖ λαβεῖν αὐλητρίδα.ἐκάλουν δὲ τραπεζοποιὸν τὸν τραπεζῶν ἐπιμελητὴν καὶ τῆς ἄλλης εὐκοσμίας. Φιλήμων Παρεισιόντι ῾II 493 K':'
Β. τραπεζοποιὸν δημιουργὸν λήψομαι:
ἐπὶ τοῦτ᾽ ἀπέστειλ᾽ ἐξ ἀγροῦ μ᾽ ὁ δεσπότης.
περὶ τοὐπτάνιον οὐ γίνεθ᾽ ἡ σκευωρία:ἔλεγον δὲ καὶ ἐπιτραπεζώματα τὰ ἐπιτιθέμενα τῇ τραπέζῃ βρώματα. Πλάτων Μενελάῳ ῾I 622 K':'
τραπεζοποιός ἐστ᾽ ἐπὶ τοῦ διακονεῖν.
ὡς ὀλίγα λοιπὰ τῶν ἐπιτραπεζωμάτων.ἐκάλουν δὲ καὶ ἀγοραστὴν τὸν τὰ ὄψα ὠνούμενον, νῦν δ᾽ ὀψωνάτωρα, ὡς Ξενοφῶν ἐν δευτέρῳ Ἀπομνημονευμάτων ῾I, 5, 2' 'οὑτωσὶ λέγων: ‘διάκονον δ᾽ ἂν καὶ ἀγοραστὴν τὸν τοιοῦτον ἐθέλοιμεν προῖκα λαβεῖν;᾽ παρὰ δὲ Μενάνδρῳ ἐστὶ κοινότερον ἐν Φανίῳ ῾IV 217 M':'
φειδωλὸς ἦν καὶ μέτριος ἀγοραστής.ὀψώνην δ᾽ εἴρηκεν Ἀριστοφάνης ἐν Ταγηνισταῖς διὰ τούτων ῾I 521 K':'
ὡς οὑψώνης διατρίβεινπαροψωνεῖν δ᾽ ἔφη Κρατῖνος ἐν Κλεοβουλίναις ῾ib. 41' 'οὕτως ... παραγοράζειν δὲ Ἄλεξις ἐν Δρωπίδῃ ῾II 318 K'.' εἰλέατροι δὲ καλοῦνται, ὥς φησι Πάμφιλος, οἱ ἐπὶ τὴν βασιλικὴν καλοῦντες τράπεζαν παρὰ τὸ ἐλεόν. Ἀρτεμίδωρος δ᾽ αὐτοὺς δειπνοκλήτορας ὀνομάζει.
ἡμῖν τἄριστον ἔοικε.